पोखराको मालेपाटनमा तीज गीत र खेलकुद प्रतियोगिता

पोखरा

पोखराको मालेपाटनमा तीज गीसँगै खेलकुद प्रतियोगिता हुने भएको छ । सुर्यचन्द्र विकास समाजले तीज विशेष कार्यक्रम आयोजना गरेको हो ।

भदौ २९ देखि असोज १ गतेसम्म तीज गीत प्रतियोगिता र महिला खेलकुद प्रतियोगिता हुनेछ ।

खुला तीज गीत प्रतियोगिता, महिलाबीच लठ्ठो तान्ने, घैटो फुटाउने, म्युजिकल चियर र अन्तर माविस्तरिय छात्रा बास्केटबल प्रतियोगिता हुने समाजकी अध्यक्ष कमला गौतमले जानकारी दिइन् ।

तीज गीत प्रतियोगितामा कास्की जिल्लाका १८ समूहले प्रतिस्पर्धा गर्नेछन् । विजेताले ४० हजार रुपैयाँ प्राप्त गर्नेछ । दोस्रो, तेस्रो र सान्त्वनाले क्रमशः ३०, २० र ७ हजार रुपैयाँ जित्नेछन् ।

माविस्तरीय छात्रा बास्केटबलतर्फ विजेताले ३० हजार र उपविजेताले २० हजार रुपैयाँ पाउनेछ ।

तीज संस्कृतिको जगेर्ना गर्दै महिलाको क्षमता अभिवृद्धि गराउन कार्यक्रम गरेको आयोजकको भनाइ छ ।

संस्थाले २०५१ सालदेखि निरन्तर तीज विशेष कार्यक्रम गर्दै आइरहेको छ ।