साेमबार पाेखरामा थपिए १३ संक्रमित

पाेखरा । पाेखरा महानगरपालिकामा साेमबार थप १३ जना काेराेना भाइरसका संक्रमित थपिएका छन् । प्रदेश स्वास्थ्य निर्देशनालयले बिहान ११ : २० बजेसम्म जारी गरेकाे विज्ञप्तीका अनुसार पाेखराका १३ सहित साेमबार गण्डकी प्रदेशमा ३० जना नयाँ संक्रमित भेटिएका छन् ।

संक्रमितहरूमा नवलपरासी पूर्वका ११ जना, पाेखराका १३ जना, पर्वतका २ जना, तनहुँका २ जना, गाेरखाका २ जना रहेका छन् । याे संगै समग्र प्रदेशमा हालसम्म ११ हजार ९१ जनामा काेराेना भाइरसकाे संक्रमण पुष्टि भएकाे छ ।

प्रदेशभर हालसम्म काेराेनाका कारण १४१ जनाले ज्यान गुमाइसकेका छन् ।