पत्रकार बिनाकुमारी थापा र बालकुमारी पौडेल पोखरामा सम्मानित

पोखरा

‘मीना सिर्जनशील समावेशी पत्रकारिता पुरस्कार’बाट पोखरामा पत्रकारद्वय बिनाकुमारी थापा ‘बिनु’ र बालकुमारी पौडेल ‘तारा’ सम्मानित भएका छन् ।

गण्डकी प्रदेशका पूर्व सांसद, उद्यमी तथा समाजसेवी मीना गुरुङले आफ्नो जन्मोत्सवको अवसरमा स्थापना गरेको मीना सिर्जनशील समावेशी पत्रकारिता पुरस्कार २०७९ बाट पत्रकार बिनु र २०८० बाट तारा सम्मानित भए ।

पत्रकार द्व्यलाई गण्डकी प्रदेशका उर्जा, जलस्रोत तथा खानेपानीमन्त्री सरस्वती अर्याल तिवारीले जनही नगद रु २० हजार १ सय ११ रुपैयाँ सहित दोसल्ला र प्रमाणपत्रले सम्मान गरेकी थिइन् ।

संयोजक पुण्य पौडेल, सदस्यहरु दुर्गा अधिकारी, दीपक परियार, विमला भण्डारी र माधव बरालको छनोट समितिले उक्त पुरस्कार २०७९ का लागि बिनु र २०८० का लागि ताराको नाम सिफारिस गरेको थियो ।