पोखरा लिंकनलाई इन्टर कलेज ब्याण्डको उपाधि

पोखरा

प्रथम इन्टर कलेज ब्याण्ड कम्पिटिसनको उपाधि पोखरा लिंकन कलेजले जितेको छ ।

पोखरा सांगीतिक कलाकार संघले आयोजना गरेको प्रतियोगिताको शनिबार भएको फाइनलमा पोखरा लिंकन कलेजको ‘द लिंकन ब्याण्ड’ले जितेको हो ।

फाइनल प्रवेश गरेका  अन्य १० ब्याण्डलाई पछि पार्दै लिंकनले १ लाख रुपैयाँसहित ट्रफी र प्रमाणपत्र प्राप्त गरेको छ ।

इन्फोमेटिक्स कलेजको ‘द इन्टरभल्स ब्याण्ड’ दोस्रो हुँदै नगद ५० हजार रुपैयाँ पाएकाे छ ।

ग्लोबल कलेजियटको ‘उत्वेग ब्याण्ड’ले तेश्रो हुँदै नगद २५ हजारमा प्राप्त गर्न सफल भयाे ।

उत्कृष्ट भोकलमा पोखरा लिंकन कलेजका रोमित गुरुङ, लिड गिटारमा कालिका माविका अनमोल थापा, रिदम गिटारमा इन्फोमेटिक्स कलेजका सन्दीप आले मगर, बेस गिटारमा ग्लोबल कलेजियटका अनुपम रिजाल र ड्रमरमा पोखरा लिंकनका विनोद सुनार उत्कृष्ट घोषित भए ।

उनीहरुले जनही ५/५ हजार रुपैयाँ र प्रमाणपत्र प्राप्त गरे ।