नेपालले आज यूएईसँग खेल्दै

पाेखरा

काठमाडौंमा जारी त्रिकोणात्मक टी–२० क्रिकेट सिरिजमा नेपालले आज यूएईसँग खेल्दैछ । खेल मुलपानी क्रिकेट मैदानमा बिहान ११ बजे सुरु हुनेछ ।

यद्यपि नेपाल एक खेल अगावै फाइनल प्रवेश गरिसकेको छ ।

हङकङ पनि सम्मिलित सिरिजमा नेपाल लगातार ३ खेल जित्दै फाइनल प्रवेश गरिसकेको थियो । नेपालले यसअघि युएईलाई पहिलो खेलमा ७ विकेटले हराएको थियो ।

युएईलाई पनि नेपाललाई हराउँदै फाइनल पुग्ने अवसर छ । यसअघि नेपालसँग पराजित भएको युएईले आइतबार हङकङलाई पराजित गरेको थियो ।

नेपाल ३ खेलमा ६ अंक जोडेर शीर्ष स्थानमा छ । यूएई २ खेलबाट २ अंकसहित दोस्रो स्थानमा छ ।

लगातार ३ खेल हारेको हङकङ अंकविहीन हुँदै पुछारमा छ ।