पोखरा
पोखरामा आयोजित आइटीएफ जे–३० टेनिस प्रतियोगिताको पुरुष सिंगलतर्फ रुसका एलेक्सि सिभायव विजेता भएका छन् । पोखरा रंगशालामा शनिबार भएको फाइनल खेलमा भारतका प्रनिल शर्मालाई ६–१ र ७–५ को सेटमा पराजित गर्दै उनले एकलतर्फको उपाधि जितेका हुन् ।
महिला एकलतर्फ जापानकी उता आसाकुरा विजेता भइन् । उनले भारतकी यासिका सोकिनलाई फाइनल खेलमा १–६, ६–४ र सुपरटाइमा ६–० ले पराजित गर्दै उपाधि विजेता बनिन् ।
पुरुष डबल्सतर्फ जापानका को फुजिकावा र रोया सासामोतोको जोडीले भारतका प्रविर मुकेस छाप्दा र अमृत मोण्डको जोडीलाई १–६, ६–४ र सुपरटाईमा १०–५ ले पराजित गर्दै विजेता बने ।
महिला डबल्सतर्फ भारतका दिसा बेहरा र अर्जान खोराकिवालाको जोडीले भारतकै एन्जल पटेल र यासिका सोकिनको जोडीलाई ६–२, ६–१ को सटेमा पराजित गर्दै विजयी भए ।
कास्की जिल्ला टेनिस संघले आयोजना गरेको प्रतियोगिताको दोश्रो सर्किट आगामी सोमबारदेखि सुरु हुनेछ ।
प्रकाशित मिति २०८० मंसिर १६ गते शनिबार ०८:१२
