एन्डयुरो साइकल रेस हरेक वर्ष पोखरामा

पोखरा । पोखरा एन्डयुरो अन्तर्राष्ट्रिय साइकल रेस अब हरेक वर्ष पोखरा–१३ मा हुने भएको छ ।

पोखरा एन्ड्युरो र पोखरा महानगरपालिका वडा नं १३ बीच हरेक वर्ष पोखरा–१३ मा एन्डयुरो अन्तर्राष्ट्रिय साइकल रेस हुने गरि सम्झौता भएको वडा अध्यक्ष किरण बरालले जानकारी दिए ।

खेल मार्फत पोखरा–१३ को पर्यटन प्रवद्र्धनमा टेवा पुर्याउने उद्देश्यले उक्त प्रतियोगिताको आयोजना गरिने उनले उल्लेख गरे । वडाबासीलाई थोरै भए पनि आम्दानीको बाटोमा अग्रसर गराउन  प्रतियोगिता सहयाेगी बन्ने वडा अध्यक्षले बताए ।

पोखरा–१३ सँग मिलेर प्रत्येक वर्ष अन्तर्राष्ट्रिय स्तरको एन्डयुरो साइकल रेस प्रतियोगिता गर्ने सम्झौता गर्न पाउँदा खुशी लागेको एन्ड्युरो अन्तर्राष्ट्रिय साइकल रेस प्रतियोगिताकाे आयोजकले जनाएका छन् ।