पोखरा विमानस्थलमा २७ करोड ७४ लाखको वस्तु आयात

पोखरा

नेपालका तीन अन्तर्राष्ट्रिय विमानस्थलमध्ये त्रिभुवन विमानस्थलपछि पोखराबाट बढी अन्तर्राष्ट्रिय व्यापार भएको देखिएको छ । पोखरा अन्तर्राष्ट्रिय विमानस्थलबाट चालु आर्थिक वर्षको पहिलो ५ महिनामा २७ करोड ७४ लाख रुपैंयाँ बराबरको वस्तु आयात भएको छ ।

पोखरामा नियमित अन्तर्राष्ट्रिय उडान भने भएको छैन । तर, यहाँ पर्यटन प्रयोजनका लागि बेला बेला चार्टर्ड उडानहरु भइरहेका छन् । यी उडानमार्फत व्यवसायीले सो मूल्य बराबरको सामान भित्राएको भन्सार विभागको तथ्यांकमा देखिएको छ । यो विमानस्थल हुँदै निर्यात भने भएको छैन ।

भैरहवास्थित गौतमबुद्ध अन्तर्राष्ट्रिय विमानस्थलबाट भने मात्र ८ लाख ४२ हजार रुपैयाँ बराबरको वस्तु यस अवधिमा आयात भएको छ ।