पिएम कप महिला क्रिकेटको फाइनल आज, एपिएफ र कोशी भिड्दै

पोखरा
प्रधानमन्त्री कप महिला टी–२० राष्ट्रिय क्रिकेट प्रतियोगिताको फाइनल आज हुँदैछ । उपाधिका लागि आज विभागीय टोली एपीएफ क्लब र कोशी प्रदेशबिच प्रतिस्पर्धा हुनेछ ।

त्रिवि मैदान कीर्तिपुरमा बिहान ११ बजे सरु हुने फाइनल खेलमा दुबै टोली उपाधि जित्न तत्पर रहेका छन । प्रतियोगितामा एपीएफ अपराजित रहँदै फाइनलमा स्थान बनाएको हो ।

एपीएफले पहिलो क्वालिफायर खेलमा कोशी प्रदेशलाई ५२ रनले हराएर फाइनलमा स्थान बनाएको थियो । एपीएफसँग पहिलो क्वालिफायरमा हारेको कोशीले दोस्रो क्वालिफायरमा साबिक विजेता सुदूरपश्चिम प्रदेशलाई नौ विकेटले हराएर एपीएफसँगको फाइनल भिडन्त पक्का गरेको थियो । त्यसैले कोशीलाई फाइनलमा एपीएफसँग बदला लिने राम्रो मौका रहेको छ ।