पोखरा
भारतको हरियाणा टिमलाई हराउँदै चन्द्रागिरि न्यु डायमन्ड पोखरामा जारी चौंथो टाइगर कपमा समूह ‘बी’तर्फ समूह विजेता बन्दै सेमिफाइनल प्रवेश गरेको छ ।
समूह ‘बी’अन्तर्गत बुधबार भएको अन्तिम खेलमा चन्द्रागिरीले ३–० को सोझो सेटमा जित निकालेको हो ।
चन्द्रागिरिले पहिलो सेट २५–१७, दोस्रो सेट २५–१८ र तेस्रो सेट २५–१६ हरियाणालाई पराजित गरेको हो ।
हारसँगै आमन्त्रित टोली हरियाणा क्लब प्रतियोगिताबाट बाहिरिएको छ ।
मंगबार भएको समूह चरणको पहिलो खेलमा हरियाणालाई विभागीय टोली नेपाल आर्मीले ३–२ ले पराजित गरेको थियो ।
प्रतियोगितामा भारतको हरियाणा भलिबल टिम पहिलो पटक सहभागी भएको थियो ।
उक्त टिमको नेतृत्व भारतको राष्ट्रिय महिला भलिबल टिमकी कप्तान मिनिमोल अब्राहमले गरेकी थिइन् ।
समूह ‘बी’अन्तर्गत विभागीय टिम नेपाल आर्मी २ अंकसहित उपविजेता बन्दै सेमिफाइनल प्रवेश गरेको छ ।
आजै भएको समूह ‘ए’ अन्तर्गत खेलमा डिफेन्डिङ च्याम्पियन एपीएफले घरेलु टोली गण्डकी प्रदेशलाई ३–० को सोझो सेटमा पराजित गर्दै अन्तिम ४ मा स्थान सुरक्षित बनाएको छ ।
हारसँगै गण्डकी प्रदेश भने समूह चरणबाटै बाहिरिएको छ ।
समूह ए अन्तर्गत नेपाल पुलिस कुल ४ अंकका साथ उपविजेता हुँदै सेमिफाइनल प्रवेश गरेको छ ।
प्रकाशित मिति २०८० माघ ३ गते बुधबार १२:३७
