टाइगरकपमा महिलातर्फ एपीएफको ह्याट्रिक

पब्लिक टिभी संवाददाता

२०८० माघ ६ गते शनिबार ०२:०९

फाइनलमा सबै सेटमा एपीएफ न्यु डायमन्डमाथि हाबी देखिएको थियो

न्यु डायमण्डलाई ३–० को सोझो सेटमा हराउँदै तेस्रो पटक उपाधि

पोखरा

पोखरामा जारी चौथो टाइगर कप भलिबल प्रतियोगिता महिलातर्फको उपाधि विभागीय टोली एपीएफले जितेको छ ।

योसँगै एपीएफले टाइगर कपको उपाधि लगातार तेस्रो पटक जित्दै ह्याट्रिक गरेको हो ।

शनिबार भएको फाइनलमा चन्द्रागिरि नगरपालिकाको न्यु डायमण्डलाई ३–० को सोझो सेटमा हराउँदै तेस्रो पटक उपाधि चुमेको हो ।

उपाधिसँगै ५ लाख ५५ हजार ५५५ रुपैयाँ हात पारेको छ । फाइनलमा सबै सेटमा एपीएफ न्यु डायमन्डमाथि हाबी देखिएको थियो ।

एपीएफले पहिलो सेट २५–२०, दोस्रो सेटमा २५–१८ र तेस्रो सेट २५–२१ ले आफ्नो पोल्टामा पार्न सफल रह्यो ।

यसअघि एपीएफले दोस्रो र तेस्रो टाइगर कपको उपाधि जितेको थियो ।

उपविजेता बनेको चन्द्रागिरि नगरपालिकाको न्यु डायमन्डले २ लाख ५५ हजार ५५५ रुपैयाँ हात पारेको छ ।

प्रकाशित मिति २०८० माघ ६ गते शनिबार ०२:०९

हजुरको प्रतिक्रिया