प्रधानमन्त्री कपः गण्डकीको पहिलो जित

पोखरा

प्रधानमन्त्री कप एकदिवसीय राष्ट्रिय प्रतियोगितामा गण्डकी प्रदेशले पहिलो जित निकालेको छ ।

कप्तान विपिन खत्रीको घातक बलिङमा गण्डकी प्रदेशले कोशी प्रदेशलाई २५ रनमै अलआउट गरेको हो ।

खत्रीले ७ ओभरमा ३ मेडनसहित ४ रन खर्चेर ६ विकेट लिए ।

गण्डकी १ सय ४२ रनसहित पहिलो जित निकाल्दा कोशीले भने लगातार छैठौं हार व्यहोरेको छ ।

जितको लागि १६८ रनको विजयी लक्ष्य पछ्याएको कोशी १५ दशमलव २ ओभरमा २५ रनमै सीमित हुन पुगेको हो ।

यो प्रधानमन्त्री कप इतिहासकै सबैभन्दा कम योगफल हो ।

यसअघि नेपाल एपीएफ क्लबले २०१९ को सेमिफाइनल खेलमा नेपाल पुलिस क्लबलाई ४१ रनमा अल आउट गरेको थियो ।

यो हारसँगै कोशी शीर्ष चार दौडबाट पनि बाहिरिएको छ ।

गण्डकी भने ४ खेलमा १ मा जित र ३ मा हारसहित नवौं स्थानमा छ ।