पोखरामा २ जना फरार प्रतिवादी पक्राउ

पाेखरा

कास्की प्रहरीले लागु औषध मुद्वामा फरार युवकलाई पक्राउ गरेको छ । पक्राउ पर्नेमा पोखरा–२० घर भइ हाल दीप बस्ने २६ वर्षीय ऋतिक परियार रहेका छन् ।

परियारलाई मंगलबार घरबाटै पक्राउ गरेको जिल्ला प्रहरी कार्यालय कास्कीका सूचना अधिकारी डिएसपी श्रवणकुमार विकले बताए ।

जिल्ला अदालत कास्कीले असोज १५ गते उनलाई लागु औषध मुद्वामा दोषि ठहर गरेको थियो । १ वर्ष कैद र ५० हजार रुपैयाँ जरिवाना फैसाला भएकोमा उनी फरार थिए ।

जिल्ला अदालत कास्की उपस्थित गराइ सजाय भुक्तानका लागि कारागार चलान गरिएको छ ।

यसैगरी कास्की प्रहरीले लेनदेन मुद्दामा फरार प्रतिवादीलाई पक्राउ गरेको छ । पक्राउ पर्नेमा पोखरा ११, लामिछाने टोल घरु भइ फूलबारी बस्ने ४४ वर्षीया दीपा लामिछाने हुन् ।

गत माघ ५ गते कास्की जिल्ला अदालतबाट फैसलाको बिगो लेनदेन मुद्दामा १ वर्ष कैद सजाय फैसला भई भुक्तान गर्न बाँकी रही फरार उनलाई पक्राउ गरी अदालत उपस्थित गराइएको जिल्ला प्रहरी कार्यालय कास्कीले जनाएको छ ।