नेपाल ‘ए’ र क्यानडा–११ बीच हुने खेल तालिका सार्वजनिक

पोखरा ।

नेपाल क्रिकेट संघ क्यानले नेपाल ‘ए’ र क्यानडा–११ बीच हुने खेल तालिका सार्वजनिक गरेको छ ।

क्यानडा–११ सँग नेपाल ‘ए’ ले तीन वटा एक दिवसीय क्रिकेट खेल्ने छ । तीन वटै खेल मूलपानी मैदानमा हुनेछन् ।

आइतबार फागुन ६ गते, ८ गते र १० गते गरी तीन वटा एक दिवसीय क्रिकेट हुने नेपाल क्रिकेट संघ क्यानले जनाएको छ ।

यो एक दिवसीय खेलका लागि नेपालले विनोद भण्डारीको कप्तानीमा १६ सदस्यीय नेपाली टोली घोषणा गरेको छ । प्रशिक्षकमा ज्ञानेन्द्र मल्ल र कलाम अली रहेका छन् ।

क्यानडाको टोली अहिले काठमाण्डौमा रहेको छ ।

नेपालसँग एक दिवसीय शृंखला खेलेको क्यानडाको टोलीले नै नेपाल ’ए’ सँग मैत्रीपूर्ण शृंखला खेल्न लागेको हो ।