पोखराको तुम्केमा सुवास स्मृति भलिबल हुँदै

पोखरा
पोखरा महानगर–१६, तुम्केमा तेस्रो सुवास स्मृति कप भलिबल प्रतियोगिता हुने भएको छ ।

भलिबल खेलाडी स्वर्गीय सुवास तामाङको सम्झनामा शान्ति उदय आमा समूह जोगिमणीले उक्त प्रतियोगिता आयोजना गर्न लागेको हो ।

खुला वडास्तरीय पुरुष भलिबल प्रतियोगिता फागुन १४ देखि १६ गते सम्म हुने खेल संयोजक मन गुरुङले जानकारी दिए ।

खेलाडीलाई नयाँ ऊर्जा थप्नका लागि खुला भलिबल प्रतियोगिताको आयोजना गर्न लागेको गुरुङले बताए ।

प्रतियोगितामा भाग लिन फागुन १३ गते ४ बजे सम्म टिम दर्ता गर्नुपर्ने आयोजकले बताएको छ ।

प्रतियोगितामा प्रथम हुनेलाई ६० हजार र दोस्रोलाई ४० हजार रुपैयाँ पुरस्कार राखिएको शान्ति उदयआमा समूह जोगिमणीका अध्यक्ष विष्णु गुरुङले जानकारी दिइन् ।

उनका अनुसार प्रथम र द्वितीय हुने खेलाडीलाई मेडल, ट्रफी र प्रमाणपत्र पनि प्रदान गरिनेछ ।