त्रिकोणात्मक टी–२० शृंखला भोलिदेखि : नेपाली टोलीको घोषणा

पोखरा ।

नेपाल क्रिकेट संघ (क्यान) ले नामिबिया र नेदरल्याण्डससँगको त्रिकोणात्मक टी–२० शृंखलाका लागि नेपाली टोलीको घोषणा गरेको छ ।

भोलिदेखि हुने शृंखलाका लागि क्यानले रोहित पौडेलको कप्तानीमा १८ सदस्यीय टोलीको घोषणा गरेको हो ।

नेपाली टोलीमा कप्तान रोहित पौडेल, आसिफ सेख, कुशल भुर्तेल, कुशल मल्ल, दिपेन्द्र सिंह ऐरी, ललित राजबंशी, करण केसी, गुलशन झा, सोमपाल कामी, प्रतिश जिसी, सन्दीप जोरा, बिनोद भण्डारी, विवेक यादव, अनिल शाह, रशिद खान, सगर ढकाल, आरिफ सेख र अविनाश बोहोरा रहेका छन् ।

टी–२० शृंखलाको पहिलो खेलमा नेपालले भोलि त्रिवि क्रिकेट मैदानमा नामिबियासँग खेल्दैछ ।