पोखरामा सुवास स्मृति कप भलिबल प्रतियोगिता जारी

पोखरा महानगरपालिका–१६ तुम्केमा तेस्रो संस्करणको सुवास स्मृति कप भलिबल प्रतियोगिता जारी छ । प्रतियोगिताको दोस्रो दिन अहिलेसम्म एक खेल सकिएको छ ।

आजको पहिलो खेलमा पोखरा–२२ विजयी भएको छ । पोखरा–१६ ‘सी’ लाई २–० को सोझो सेटले हराउदै पोखरा–२२ ले जित निकालेको हो ।
आज नै पोखरा–१९ सँग पोखरा–२० र अन्नपूर्ण गाउँपालिकासँग पोखरा–२२ ले खेल्नेछ ।

शान्ति आमा समूहको आयोजनामा सोमबार सुरु प्रतियोगितामा ११ टोली सहभागिता रहेको छ । बुधबार फाइनल खेल हुनेछ ।
सोमबारको खेलमा पोखरा–१६ ले पोखरा–११ माथि २–० सोेझो सेटमा जित निकालेको थियो ।

प्रतियोगिताको विजेताले ६० हजार रुपैयाँको साथमा शिल्ड, मेडल र प्रमाणपत्र हात पार्नेछ । यस्तै उपविजेताले ४० हजार रुपैयाँमा चित्त बुझाउनेछ ।