त्रिदेशीय टी–२० क्रिकेट शृंखलाः आज नेपाल र नामिबिया खेल्दै

पोखरा ।

त्रिदेशीय टी–२० क्रिकेट शृंखलामा नेपालले आज नामिबियासँग खेल्दैछ ।

खेल कीर्तिपुरको त्रिवि क्रिकेट मैदानमा बिहान साढे ११ बजेदेखि सुरु हुनेछ ।

त्रिदेशीय शृंखलामा नेपालसहित नेदरल्यान्ड्स र नामिबिया रहेका छन् ।

नेपाल र नामिबियाबीच आज दोस्रो खेल हुन लागेको हो ।

यसअघिको पहिलो खेलमा नेपाल नामिबियासँग २० रनले पराजित भएको थियो ।

हिजोको खेलमा नेदरल्यान्ड्सले नामिबियालाई ५९ रनको फराकिलो अन्तरले हराएको थियो ।

बुधबारको खेलमा नेपाल नेदरल्यान्ड्सँग दुई रनले हारेको थियो ।

नेदरल्यान्ड्स २ खेलमा ४ अंकसहित तालिकाको शीर्ष स्थानमा छ ।

नामिबिया २ अंकसहित दोस्रो स्थानमा छ । २ वटै खेल हारेको नेपाल पुछारमा छ ।

शनिबार नेपालले नेदरल्यान्ड्ससँग खेल्नेछ ।