बागलुङका सर्जक सन्तोष आचार्यले जिते इन्डो नेपाल सुजन म्युजिक अवार्ड 

पाेखरा

बागलुङका गायक, मोडल तथा सर्जक सन्तोष शर्मा (आचार्य) ले इन्डो नेपाल सुजन म्युजिक अवार्डमा लाइभ दोहोरी पब्लिक च्वाइसबाट सर्वोत्कृष्ट प्रत्यक्ष दोहोरी गायक विधाबाट अवार्ड जित्न सफल भएका छन् ।

फागुन ७ गते भारतकाे नयाँ दिल्लीस्थित एक रेस्टुरेन्टमा इन्डाे नेपाल सुजन म्युजिक अवार्ड घाेषणा गरिएकाे थियाे ।

बागलुङ जिल्ला जैमिनी नगरपालिका १ कुश्मिसेरामा जन्मिएका आचार्य झण्डै १ दशकदेखि सा‌गीतिक क्षेत्रमा क्रियाशील छन् । प्रत्यक्ष दोहोरीमा माहिर उनले हालसम्म करिब २ दर्जनभन्दा बढी लाइभ दोहोरी गाएका छ्न् ।

उनले दर्जनौं गीतमा आफ्नो स्वर दिएका छन् भने अभिनय पनि गरेका छन् ।

‘पब्लिकसामु विस्तारै चर्चा कमाउँदै छु । सोचेजति चर्चा कमाउन नसकेता पनि गीतसंगीत लाई बिट मार्न भने पटक्कै सक्दिनँ’, उनले भने, ‘आशा छ एक न एक दिन कसो सफल नहुँला र ?’