त्रिदेशीय टी–२० सिरिज : उपाधिका लागि नेपाल र पीएनजी भिड्दै

पोखरा ।

हङकङमा जारी त्रिदेशीय टी–२० सिरिजको उपाधिका लागि आज नेपाल र पपुवा न्यूगिनी (पीएनजी) भिड्दै छन् ।

खेल नेपाली समय अनुसार बिहान पौने १२ बजेदेखि सुरु हुँदैछ ।

सिरिजको पहिलो खेलमा मंगलबार नेपालले पीएनजीलाई ८५ रनको फराकिलो अन्तरले पराजित गरेको थियो ।

त्यस्तै मंगलबार नै सम्पन्न खेलमा पीएनजीले हङकङलाई १० विकेटले पराजित गर्दै फाइनलमा नेपालसँगको भेट पक्का गरेको हो ।

सिरिजको पहिलो खेल भने वर्षाले सम्पन्न हुन नसकेपछि नेपाल र हङकङले अंक बाँडेका थिए ।