रवि केसी सर्वाेत्कृष्ट खेलाडी हुँदा हिमाल सुनारी उत्कृष्ट ब्लकर
पाेखरा
कास्कीको मादी गाउँपालिकाले आयोजना गरेको प्रथम पालिकास्तरीय अध्यक्ष कप भलिबल प्रतियोगिताकाे उपाधि बागलुङकाे गलकाेट नगरपालिकाले जितेकाे छ । गलकाेटले बाैदिकाली गाउँपालिका नवलपरासीलाई उपविजेतामा सीमित राख्दै उपाधि उचालेकाे हाे ।
६ टाेलीकाे सहभागिता रहेकाे प्रतियाेगिताकाे फाइनलमा गलकाेटले २५-१४, २२-२५, २५-१६ र २५- १५ काे सेटमा बाैदीकालीलाई पराजित गर्दै नगद ३ लाख, ट्रफी, मेडल र प्रमाणपत्र हात पार्याे ।
उपविजेता बाैदीकालीले नगद २ लाख, ट्रफी, मेडल र प्रमाणपत्रमा चित्त बुझायाे । प्रतियाेगितामा आयोजक मादी गाउँपालिका तेस्राे भएकाे थियाे ।
आठौं स्थापना दिवसको अवसरमा आयोजित अध्यक्ष कप भलिबल प्रतियोगिताकाे सर्वाेत्कृष्ट खेलाडीकाे उपाधि गलकाेटका रवि केसीले हात पारे । यस्तै, उत्कृष्ट सर्भरमा गलकाेटकै अस्विन सुनार, उत्कृष्ट सेटरमा मीन सुनार तथा उत्कृष्ट प्रशिक्षकमा रामु कार्कीले अवार्ड जित्दा उत्कृष्ट डिफेन्डरकाे उपाधि मादी ए का मिलन परियारले पाए ।
प्रतियाेगिताकाे उत्कृष्ट ब्लकर बाैदीकालीका हिमाल सुनारीकाे नाममा रह्याे ।
फागुन २७ देखि २९ गतेसम्म मादीको याङजाकोटमा सम्पन्न खेलकाे समापन समाराेहमा बाेल्दै गाउँपालिका अध्यक्ष देवीजंग गुरुङले खेलकुदको माध्यमबाट मादीको पर्यटन प्रबद्र्धनमा सहयाेग पुगेकाे बताए ।
मादीमा नेपालकै सबैभन्दा कम उचाइमा रहेको कुपुचे हिमताल र प्रसिद्ध कोरी क्षेत्र पनि पर्छ ।
प्रकाशित मिति २०८० फागुन ३० गते बुधबार १०:२७
