पोखरा ।
नेपाली महिला क्रिकेट टीमकी पुर्वकप्तान नेरी थापा मगरले क्रिकेटबाट सन्यास लिएकी छन् ।
उनले सोमबार सामाजिक संजालमार्फत राष्ट्रिय÷अन्तर्राष्ट्रिय दुबैबाट सन्यास लिएको घोषणा गरेकी हुन् ।
नेरी थापाको कप्तानीमा नेपालले पहिलोपटक अन्तर्राष्ट्रिय खेल खेलेको थियो ।
सन् २००७ को एसीसी महिला च्याम्पियनसिपमा नेपाली महिला राष्ट्रिय टिमको कप्तानी गरेकी थिईन् ।
‘खेलबाट सन्यास लिएको हो । तर सम्झनाबाट होइन । मेरो यात्रामा मलाई साथ दिने र उत्प्रेरित गर्ने सबैलाई म धन्यवाद दिन्छु । म विशेष गरी मेरो परिवारलाई धन्यवाद दिन्छु जसले मलाई यात्रामा सधैं साथ दिनुभयो । मलाई आशा छ यो यात्रा क्रिकेटमा संन्यास होस् तर जीवनमा होइन,’ उनले लेखेकी छन् ।
नेरीको कप्तानीमा नेपाली यु–१९ महिला राष्ट्रिय टिमले २००८ र २०१० एसीसी यु–१९ महिला च्याम्पियनसिपको उपाधि जितेको थियो ।
नेरी थापा नेपाली महिला घरेलु क्रिकेट इतिहासकै पहिलो शतक बनाउने पहिलो खेलाडी हुन् ।
२०७० महिला राष्ट्रिय क्रिकेट प्रतियोगितामा नेपालगंजको ( तत्कालिन क्षेत्र नम्बर ५ ) लागि खेल्दै काठमाडौँ बिरुद्ध १२१ रन बनाउदै किर्तिमान कायम गरेकी थिइन् ।
प्रकाशित मिति २०८० चैत ६ गते मंगलबार ११:१२
