पोखराको पार्किङ ठेक्का रद्ध गर्न उच्च अदालतमा रिट दायर

पाेखरा । पोखरामा पार्किङ ठेक्का रद्ध गर्न उच्च अदालत पोखरामा रिट दायर भएको छ । अधिवक्ता राजेन्द्रमान श्रेष्ठ र जागौं नेपाल राष्ट्रिय अभियान कास्कीका अध्यक्ष नारायणहरि तिवारीले अदालतमा रिट दायर गरेका हुन् ।

पोखरा महानगरपालिकाले महानगरपालिका क्षेत्रभित्रका मुख्य तथा भित्रि सडकहरुमा समेत सवारी पार्कीङ् उठाउने गरि दिएकाे ठेक्का प्रकृयाकाे सर्वत्र आलाेचना भइरहेकाे छ । महानगर एकातिर पे पार्किङ्काे अवधारणा भन्दै विभिन्न सार्वजनिक एवम खाली जग्गामा ब्यवसायीहरुलाइ पे पार्किङ्का लागि लगानी गर्न लगाएर आफू भने पुन सडकमै फर्कनु गलत भएकाे सराेकारवालाहरुकाे भनाइ छ ।

 पार्किङ शुल्क व्यवस्थापनको ठेक्का प्रक्रियाप्रति चौतर्फी विरोध हुँदै आएको छ भने जागाै पाेखरा अभियानले महानगर गेटमा नै निरन्तर खवरदारीसहितकाे धर्ना कार्यक्रम आयाेजना गर्दै आएकाे थियाे ।