पोखरा स्पोर्टस् अवार्डको प्रत्यक्ष प्रशारण पब्लिक टिभिले गर्ने

पोखरा
आठौं पोखरा स्पोर्ट्स अवार्डको प्रत्यक्ष प्रशारण पब्लिक फोर के टेलिभिजनले गर्ने भएको छ । स्पोर्टस् अवार्ड आर्थिक संयोजक एवं मञ्च कोषाध्यक्ष कविता घर्तिमगर र पब्लिक फोरके टेलिभिजनका प्रबन्ध निर्देशक मन क्षेत्रीबीच प्रत्यक्ष प्रशारणको समझदारी पत्रमा हस्ताक्षर भएको हो ।

आठौं संस्करणको पोखरा स्पोट्र्स अवार्ड आउँदो शुक्रबार पोखरा सभागृहमा हुँदैछ । खेलकुद पत्रकार मञ्च गण्डकीको आयोजनामा हुने अवार्डमा ७ विधामा खेलाडी, प्रशिक्षक, खेल संघ तथा खेल पत्रकारलाई सम्मान गरिदैछ ।