दक्षिण अफ्रिकाविरुद्ध नेपाली स्पिनर हावी, जीतका लागि ११६ को लक्ष्य

पोखरा ।

वेष्ट इन्डिजमा जारी आईसीसी टी- २० विश्वकप क्रिकेटमा दक्षिण अफ्रीकाले नेपाललाई ११६ रनको लक्ष्य दिएको छ । नेपाली स्पिनर हावी भएकाे खेलमा दक्षिण अफ्रीकाले खुलेर खेल्न सकेन् ।

वेस्ट इन्डिजको सेन्ट भिसेन्टस्थित अरनोस भाल रंगशालामा टस हारेर पहिला ब्याटिङको निम्तो पाएको दक्षिण अफ्रीकाले निर्धारित २० ओभरमा ७ विकेट गुमाएर ११५ रन बनायो।

दक्षिण अफ्रीकासामु नेपालका स्पिनरले कसिलो बलिङ गरे ।

बलिङमा नेपालका लागि कुशल भुर्तेलले ४ र दीपेन्द्र सिंह ऐरीले ३ विकेट लिए । ४ ओभर बलिङ गरेका कुशल्ले १९ रन खर्चेर ४ र दीपेन्द्रले २१ रन खर्चेर ३ विकेट लिए । ब्याटिङमा दक्षिण अफ्रीकाका रीजा हेनरिक्सले सर्वाधिक ४३ रन बनाए । उनले ४९ बलमा ५ चौका र १ छक्काको मद्दतमा ४३ रन जोडे ।

ट्रिस्टन स्टब्सले १८ बलमा २७, एडिन मर्क्रम २२ बलमा १५ र डिकक ११ बलमा १० रन बनाएर आउट भए ।