गण्डकी प्रदेश सरकारले ल्यायो ३३ अर्बको बजेट (पूर्णपाठ)

पोखरा
गण्डकी प्रदेश सरकारले आगामी आर्थिक वर्षका लागि करिब ३३ अर्बको बजेट ल्याएको छ ।

गण्डकीका आर्थिक मामिला मन्त्री डाक्टर टकराज गुरुङले आगामी आर्थिक वर्षका लागि ३२ अर्ब ९७ करोड ८५ लाख ७५ हजारको बजेट प्रस्तुत गरेका हुन् । यो चालु आर्थिक वर्षभन्दा ४५ करोड कम हो । चालु आर्थिक वर्षमा गण्डकी प्रदेश सरकाले ३३ अर्ब ४२ करोड ७२ लाख बजेट ल्याएको थियो ।

चालुतर्फ १३ अर्ब १६ करोड ५ लाख ८२ हजार र पुँजीगततर्फ १९ अर्ब ५१ करोड ७९ लाख ९३ हजार रुपैयाँ बजेट विनियोजन गरिएको आर्थिक मामिला मन्त्री गुुरुङले बताए । यस्तै वित्तिय व्यवस्थापनतर्फ सरकारले ३ करोड रुपैयाँ विनियोजन गरेको छ ।

गुणस्तरीय पूर्वधार तथा उत्पादनमा अभिवृद्धि, रोजगारी तथा आयमा वृद्धि र गुणस्तरीय सार्वजनिक सेवा प्रवाह मार्फत सुशासन अभिवृद्धि गर्ने लगायतका उद्देश्यका साथ बजेट प्रस्तुत गरिएको आर्थिक मामिला मन्त्री गुरुङले बताए ।

प्रकाशित मिति २०८१ असार १ गते शनिबार ०६:०१