गण्डकी प्रदेशले जित्यो सहाना प्रधान यू–१९ भलिबलको पुरुषतर्फको उपाधि

पोखरा
गण्डकी प्रदेश पुरुष टिम प्रथम सहाना प्रधान यू–१९ महिला तथा पुरुष भलिबल प्रतियोगिताको च्याम्पियन बनेको छ। फाइनलमा लुम्बिनी प्रदेशलाई ३–१ को सोझो सेटमा पराजित गर्दै गण्डकी च्यामिपयन बनेको हो ।

त्रिपुरेश्वरस्थित दशरथ रंगशाला कभर्डहलमा भएको खेलमा गण्डकीले लुम्बिनीलाई पहिलो सेट २५–१५, दोस्रो सेट २०–२५, तेस्रो सेट २५–२० र चौथो सेट २५–२० ले पराजित गरेको हो । महिलातर्फको शनिबार नै भएको फाइनल खेलमा बागमती प्रदेशले लुम्बिनी प्रदेशलाई ३–० को सेटले पराजित गर्दै उपाधि जितेको छ ।

प्रतियोगिताको महिला र पुरुष दुबैतर्फका बिजेताले ३ लाख, उपबिजेताले २ लाख र तेस्रो हुनेले १ लाख रुपैयाँ पाएका छन् ।