कास्कीमा कार दुर्घटना हुँदा ३ जना घाइते

पोखरा
कास्कीमा कार दुर्घटना हुँदा ३ जना घाइते भएका छन् ।

कास्की अन्नपूर्ण गाउँपालिका ३ काँडेमा मंगलबार ग ३ च ५३६३ नम्बरको कार दुर्घटना हुँदा ३ जना घाइते भएको जिल्ला प्रहरी कार्यालय कास्कीले जनाएको छ ।

कार चालकले नियन्त्रण गुमाई सडकको दाया साईडमा पल्टिन गई दुर्घटना भएको कास्की प्रहरीका सूचना अधिकारी डिएसपी वसन्तकुमार शर्माले जानकारी दिए ।

कारमा ६ जना सवार रहेको र ३ जना घाइते भएको शर्माले बताए । घाइते हुनेमा चालक पर्वतका ४४ वर्षीय सनम पुन, सोही ठाउँका ४२ वर्षीय किशोर सापकोटा र १५ वर्षीया शुशीला पुन रहेको उनको भनाइ छ ।

घाइतको मेट्रोसिटी अस्पतालमा उपचार भइरहेको प्रहरीले जनाएको छ ।