बाढीपहिरोका कारण गण्डकीका ६ ठाउँमा सडक अवरुद्ध

पोखरा
अविरल वर्षासँगै आएको बाढी पहिरोले गण्डकी प्रदेशका ६ सडक खण्ड अवरुद्ध भएको छ ।

जिल्ला ट्राफिक प्रहरी कार्यालय कास्कीकाअनुसार तनहुँ, स्याङ्जा, मनाङ, म्याग्दी र बागलुङका ६ सडक अवरुद्ध भएको हो ।

लमजुङको बेशीशहर-मनाङ सडक खण्डको चामे गाउँपालिका-१ मा अवरुद्ध भएको छ ।

बेनी-जोमसोम सडकको ग्याग्दी रघुगंगा गाउँपालिका-२, स्याङ्जाको सुम्रेखोला-भिरकोट सडक, पोखरा-मुग्लिङको तनहुँ शुक्लागण्डकी-७, मध्यपहाडी लोकमार्गको बागलुङको गलकोट-११ र पोखरा-मुग्लिन सडकको तनहुँ म्याग्दे गाउँपालिका-५ मा सडक अवरुद्ध भएको जिल्ला ट्राफिक प्रहरी कार्यालय कास्कीले जनाएको छ ।

स्याङ्जा सुम्रेखोला-भिरकोट सडक एकतर्फि सञ्चालनमा आएको छ । भने अन्य सडक पूणर् रुपमा अवरुद्ध भएको प्रहरीले जनाएको छ ।