नेपाली महिला राष्ट्रिय क्रिकेट टोलीले श्रीलंकासँग अभ्यास खेल खेल्ने

पब्लिक टिभी संवाददाता

२०८१ असार २४ गते सोमबार १०:२८

नेपालले भोलि, पर्सि र १६ जनुलाईमा श्रीलंका डेभलपमेन्ट टिमसँग टी–२० अभ्यास खेल्नेछ ।

पोखरा ।

एसीसी महिला टी–२० क्रिकेटको तयारीमा रहेको नेपाली महिला राष्ट्रिय क्रिकेट टोलीले श्रीलंकासँग अभ्यास खेल खेल्ने भएको छ ।

नेपाली महिला टोली र श्रीलंका डेभलपमेन्ट टिमबीच भोलि अभ्यास खेल सुरु हुने नेपाल क्रिकेट संघ क्यानले जनाएको छ ।

यी दुई टोलीबीच सरी भ्यालीमा तीन वटा अभ्यास खेल हुनेछन् ।

आगामी एसिया कपको तयारीमा रहेको नेपाली महिला टोली हिजो साँझ कोलम्बो पुगेको थियो ।

आगामी १९ जुलाई अर्थात् साउन ४ गते सुरु हुने एसीसी टी–२० महिला क्रिकेटमा नेपाल समूह एमा छ ।

नेपालको समूहमा नेपालसहित भारत, पाकिस्तान र युएईको महिला टोली छन् । समूह बीमा श्रीलंका, बंगलादेश, मलेसिया र थाइल्याण्डका महिला टोली छन् ।

प्रकाशित मिति २०८१ असार २४ गते सोमबार १०:२८

हजुरको प्रतिक्रिया