पोखरा ।
महिला एशिया कप टी–२० क्रिकेट प्रतियोगिता आजदेखि श्रीलंकामा सुरु हुँदैछ ।
महिला एसिया कप क्रिकेटमा नेपालले आज समूह चरणको आफ्नो पहिलो खेल खेल्दैछ ।
उद्घाटन खेलमा आज नेपाल र यूएई खेल्दैछन् । नेपाल र यूएईबीचको खेल दिउँसो सवा २ बजे सुरु हुनेछ ।
खेल श्रीलंकाको रांगिरी दम्बुला अन्तर्राष्ट्रिय क्रिकेट मैदानमा हँदैछ । यो खेलपछि आज नै भारत र पाकिस्तान खेल्दैछन् ।
नवौँ संस्करणको प्रतियोगिता यस पटक चार टेस्ट र चार एसोसिएट गरी आठ वटा देश सहभागी छन् ।
महिला एसिया कप खेल्न समूह ए मा रहेको नेपाली महिला क्रिकेट टोलीले समूह चरणमा युएईसँगै पाकिस्तान र भारतसँग प्रतिस्पर्धा गर्ने छ ।
यसअघि सन् २०१२ र २०१६ मा महिला एसिया कप खेलेको नेपालले आठ वर्षपछि पुनः अहिले प्रतियोगिता खेल्न लागेको हो ।
साउन ४ गतेदेखि १३ गतेसम्म सञ्चालन हुने प्रतियोगिताको समूह ‘बी’ मा श्रीलङ्का, बंगलादेश, मलेसिया र थाइल्यान्ड छन् ।
समूह चरणबाट दुई–दुई टोली सेमिफाइनल पुग्नेछन् । सेमिफाइनलमा विजयी हुने दुई टोलीबिच साउन १३ गते फाइनल भिडन्त हुनेछ ।
एसिया कप क्रिकेट प्रतियोगिता अघि नेपाली टोलीले श्रीलंकाको श्रीलंका डेभलपमेन्ट टिमसंग तीन खेलको अभ्यास खेल खेलेको थियो । जसमा नेपाल २–१ ले पराजित भएको थियो ।
प्रकाशित मिति २०८१ साउन ४ गते शुक्रबार १०:५९
