पुष्पलालको स्मृति दिवसको अवसरमा अनेरास्ववियु कास्कीले गर्‍यो फलफुल वितरण

पोखरा
नेकपा एमालेको जनवर्गीय संगठन अनेरास्ववियु जिल्ला कमिटी कास्कीले एमालेका संस्थापक महासचिव कमरेड पुष्पलाल श्रेष्ठको ४६ औं स्मृति दिवसको अवसरमा मानव सेवा आश्रममा फलफुल वितरण गरेको छ ।

अनेरास्ववियु कास्कीले सोमबार छोरेपाटनमा रहेको आश्रममा पुगेर फलफुल वितरण गरेको हो ।

फलफुल वितरण कार्यक्रममा एमाले कास्कीका उपाध्यक्ष भेषराज बरालले नेकपा एमाले र अनेरास्ववियु सधै भर जनताको सेवामा रहि रहने र बा –आमा र बिद्यार्थीको मुद्दा बोक्ने संगठनका रुपमा स्थापना हुँदै आएको बताए ।

कार्यक्रममा नेकपा एमाले गण्डकी प्रदेश सदस्य सुस्मा पौडेल, एमाले कास्की सदस्य सदस्य रिषभ तिमिला, अनेरास्ववियु केन्द्रिय सदस्य अनुप लामिछाने र अनेरास्ववियु गण्डकी प्रदेश उपाध्यक्ष विश्वदर्शन पराजुली उपस्थित थिए ।

अनेरास्ववियु जिल्ला अध्यक्ष सन्तोष पोखरेलको अध्यक्षतामा भएको कार्यक्रमको सञ्चालन सचिव रवि क्षेत्रीले गरेका थिए ।