पाेखरामा स्नुकर प्रतियाेगिता हुँदै, विजेतालाई ५० हजार

पोखरा ।
पोखरामा भदौ ३ गते बी डिभिजन स्तरकाे स्नूकर प्रतियोगिता हुने भएको छ ।

पोखराकाे ड्यामसाईडमा हुने प्रतियोगिताकाे विजेताले पचास हजारको साथमा ट्रफी मेडल र प्रमाणपत्र प्राप्त गर्ने आयोजकले जनाएकाे छ । प्रतियाेगितामा दाेस्राे हुनेले पच्चिस हजार र तेस्राे हुनेले पाँच हजार प्राप्त गर्नेछन् ।

प्रतियाेगिताका हाइअर ब्रेकरले पाँच हजारका साथमा ट्रफी मेडल र प्रमाणपत्र प्राप्त गर्नेछन् । सनिबार पाेखरामा पत्रकार सम्मेलनकाे आयोजना गर्दै आयोजकले साे कुराकाे जानकारी दिएकाे हाे ।

प्रतियोगिताको उद्घाटन गण्डकी प्रदेश सभा सदस्य एवं पूर्व मन्त्री पन्चराम गुरुङले गर्ने प्रतियोगिता संयोजक किर्तन गुरुङले बताए ।  विश्वव्यापीरुपमा ख्याती आर्जन गरेको इन्डोर गेम स्नुकरप्रति युवा खेलाडीलाई आकर्षित गर्न प्रतियोगीता आयोजना गरिएको संयोजक गुरुङले बताए ।

भदौ ३ गतेबाट सुरु हुने प्रतियोगीता भदौ १३ गते सम्पन्न हुने छ । प्रतियोगीतामा एक सय जनाभन्दा बढि स्नुकर खेलाडीले सहभागीता जनाउने आयोजककाे विश्वास छ ।

प्रकाशित मिति २०८१ भदौ १ गते शनिबार १०:१३