साफ यू–१७ च्याम्पियनशिपको खेल तालिका सार्वजनिक

पोखरा ।

दक्षिण एशियाली फुटबल महासंघ (साफ) ले १७ वर्षमुनिको साफ च्याम्पियनशिप फुटबलको खेल तालिका सार्वजनिक गरेको छ ।

हिजो सार्वजनिक भएको तालिका अनुसनर आगामी असोज ४ गतेदेखि (सेप्टेम्बर २०–३०) असोज १४ गतेसम्म भुटानमा हुने च्याम्पियनशिपको उदघाटन खेलमा भने साविक विजेता भारतले बंगलादेशसँग प्रतिस्पर्धा गर्नेछ ।

असोज ५ गते (सेप्टेम्बर २१ मा) हुने दोस्रो खेलमा नेपालले पाकिस्तानसँग प्रतिस्पर्धा गर्नेछ ।

प्रतियोगितामा सार्क क्षेत्रका ७ टोलीले सहभागिता जनाएका छन् ।

साफले सबै ७ टोलीलाई दुई समूहमा बाँडेको छ । समूह ए मा साविक विजेता भारतसँगै माल्दिभ्स र बंगलादेश रहेका छन् भने समूह बी मा नेपाल र पाकिस्तानसँगै आयोजक भुटान र श्रीलंका रहेका छन् ।

समूह चरणका खेलपछि दुवै समूहको पहिलो र दोस्रो स्थानमा रहने टोली सेमिफाइनल प्रवेश गर्नेछन् ।