एफसी यू–२० एसियन कप : नेपालले आज उज्वेकिस्तानसँग प्रतिस्पर्धा गर्दै

पोखरा ।

एफसी यू–२० एसियन कप छनोटअन्तर्गत नेपालले आज तेस्रो खेलमा उज्वेकिस्तानसँग प्रतिस्पर्धा गर्दैछ ।

खेल न्यू ताइपेइ सिटीमा अपरान्ह्र ३ बजे सुरु हुने छ ।

समूह बी मा शीर्ष दुईमा रहेर चीनमा अर्को वर्ष हुने प्रतियोगितामा छनोट हुने लक्ष्यसाथ चाइनिज ताइपेइ पुगेको नेपालले सुखद् सुरुआत गर्न सकेको छैन ।

पहिलो खेलमा समान स्तरको कम्बोडियासँग नेपाल ४–१ ले पराजित भएको थियो । उक्त खेलमा नेपालको तर्फबाट समीर तामाङले मात्रै गोल गर्न सकेका थिए ।

समीरले दोस्रो खेलमा ह्याट्रिक गरेपछि नेपालले सोमबार घरेलु टोली चाइनिज ताइपेइसँगको खेलमा ३–१ को जितसहित प्रतियोगितामा पुनरागमन गरेको थियो ।

नेपाल यही लयलाई निरन्तरता दिने लक्ष्यमा छ । उज्वेकिस्तान भने सानदार लयमा छ । उसले पहिलो खेलमै कम्बोडियालाई ७–० को सहिजो जित हात पारेको थियो ।

उज्वेकिस्तान अंक तालिकामा ३ अंकहित शीर्ष स्थानमा छ । समान अंक रहे पनि नेपाल चौथो स्थानमा छ ।