पाेखरा ।
पोखराको नदीपुरमा जारी क्लवस्तरीय भलिबल प्रतियोगिता अन्तर्गत बिहिबार ७ खेल हुने आयोजकले जनाएको छ ।
पोखरा भलिबल प्रशिक्षण केन्द्र, पोखराको आयोजनामा नदिपुरस्थित छन्त्याल समाजको भलिबल मैदानमा जारी प्रतियोगिता अन्तर्गत दोस्रो दिन महिलातर्फ २ र पुरुषतर्फ ५ खेल हुनेछ ।
बिहीबारको पहिलो खेलमा महिलातर्फ अर्चलबोटले नदिपुरसँग प्रतिस्पर्धा गर्नेछ । दोस्रो खेलमा कनेक्टिङ पोखरासँग टिम पोखरा खेल्नेछ ।
पुरुषतर्फ बुधबार लाईट प्रोटेस्टका कारण रोकिएको गलकोट भलिबल र आँधिखोला दिल्लीबिचको खेल हुनेछ । त्यसपछि पोखरा भलिबल प्रशिक्षण केन्द्रसँग टिम पर्वत भिड्नेछ ।
पुरुषतर्फ नै अन्नपूर्ण गाउँपालिकाले गलकोट भलिबलसँग खेल्नेछ । अर्को खेलमा नेपाल यूथ स्पोर्ट्स क्लब जापानले गल्कोट स्पोर्ट्ससँग प्रतिस्पर्धा गर्नेछ । भने, बिहीबारको अन्तिम खेल सशस्त्र प्रहरी बल (एपिएफ) पोखरा र आँधिखोला दिल्लीबिच हुने आयोजकले जानकारी दिएको छ ।
प्रतियोगिता अन्तर्गत पहिलो दिन ५ खेल भएका थिए । बुधबार पुरुषतर्फ ३ र महिलातर्फ २ खेलहरु सम्पन्न भएका हुन् ।
उक्त खेलबाट महिलातर्फ शान्ता भलिबल प्रशिक्षण केन्द्र पोखरा र भलिबल समूह बागलुङ प्रतियोगिताको दोस्रो चरणमा प्रवेश गरेका छन् । शान्ता भलिबल प्रशिक्षण केन्द्र पोखराले जुम्बा समूह पोखराको टोलीलाई २५–६ र २५–१० को सोझो सेटमा पराजित गर्दै दोस्रो चरणमा प्रवेश गरेको हो ।
प्रतियोगिताको अर्को खेलमा भलिबल समूह बागलुङले अनिल भलिबल ग्रुप पर्वतलाई २८–२६, २५–१७ र २५–१८ को जीत दर्ता ग¥यो । महिलातर्फको प्रतियोगिता नकआउट नियमका आधारमा खेलाइएको र पहिलो चरणका खेलहरु बेस्ट अफ थ्रि नियममा खेलाइएको आयोजकले जनाएको छ ।
जारी प्रतियोगितामा पुरुषतर्फ बुधबार नेपाल युथ स्पोर्टस क्लव जापान, सशस्त्र प्रहरी बल एपीएफ पोखरा र गलकोट स्पोर्टसले जीत दर्ता गरेका छन् ।
सञ्जुविक्रम शाह, रेशम छन्त्याललगायतका खेलाडी सम्मिलित नेपाल युथ स्पोर्टस क्लव जापानले आयोजक पोखरा भलिबल प्रशिक्षण केन्द्र पोखरालाई २५–१५ र २५–१२ को सोझो सेटमा पराजित ग¥यो ।
पुरुषतर्फको दोस्रो खेलमा एपीएफ पोखराले अन्नपूर्ण गाउँपालिकाको टोलीलाई २५–१९ र २८–२६ ले पराजित ग¥यो । प्रतियोगिताको अन्तिम खेलमा गलकोट स्पोर्टस क्लव बागलुङले भलिबल टिम पर्वतलाई २३–२५, २५–२० र २५–१७ ले पराजित ग¥यो ।
लिगकम नकआउट नियमानुसार खेलाइएको पुरुषतर्फको खेलका पहिलो चरणहरु समेत बेस्ट अफ थ्रि नियमानुसार खेलाइएको थियो ।
प्रकाशित मिति २०८१ असोज १० गते बिहीबार ०९:२४
