एएफसी यू–२० एसियन कप : छनोट नेपालले आज बहराइनसँग खेल्दै

पोखरा ।

एएफसी यू–२० एसियन कप छनोटमा नेपालले आज बहराइनसँग अन्तिम खेल खेल्दैछ ।

खेल नेपाली समय अनुसार दिउँसो पौने १ बजे सुरु हुनेछ । यसअघि नेपालले तीन खेलमा एक र दुईमा हार ब्यहोरेको छ ।

बुधबार भएको तेस्रो खेलमा नेपालले उज्वेकिस्तानसँग ६–० को लज्जास्पद हार ब्यहोरेको थियो । उक्त हारले समूह ‘बी’ को नेपालको एसियन कप पुग्ने सम्भावना न्यून बनेको छ।नेपालले तीन खेलबाट तीन अंक जोडेको छ ।

पहिलो खेलमा कम्बोडियासँग ४–१ ले पराजित नेपालले दोस्रो खेलमा घरेलु टोली चाइनिज ताइपेइविरुद्ध ३–१ को जित हासिल गरेको थियो ।

नेपाल ३ खेलमा ३ अंकसहित तालिकाको चौथो स्थानमा छ । उज्बेकिस्तान २ खेलमा ६ अंकसहित शीर्ष स्थानमा छ ।