नदीपुरमा जारी क्लव स्तरीय भलिबल प्रतियोगिताः वर्षाका कारण दुई दिन रोकियो

पोखरा
पोखराको नदिपुरमा जारी जारी आठौं क्लब स्तरीय पुरुष तथा महिला भलिबल प्रतियोगिता २ दिनको लागि स्थगित भएको छ ।

लगातार वर्षा भएपछि आयोजकले एक सूचना जारी गर्दै शुक्रबार र शनिबार प्रतियोगिता स्थगित गरेको हो ।

आइतबारदेखि बाँकी खेल पुन सुरु हुनेछ । प्रतियोगितामा पुरुषतर्फ ८ समूह र महिलातर्फ १० टिम सहभागिता जनाएका छन् । प्रतियोगिताको विजेता पुरुष समूहले १ लाख ३० हजार र उपविजेताले ८० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन् ।

महिलातर्फ विजेता समूहले ५० हजार रुपैयाँ र उपविजेताले ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ ।