साफ यु–१७ च्याम्पियनसिप : नेपालले आज भारतसँग प्रतिस्पर्धा गर्दै

पोखरा ।

साफ यु–१७ च्याम्पियनसिपको फाइनलमा प्रवेश गर्न आज नेपालले भारतसँग प्रतिस्पर्धा गर्दैछ ।

खेल भुटानको थिम्पुमा रहेको चङ्लिमिथाङ रंगशालामा नेपाली समय अनुसार दिउँसो पौने २ बजे शुरु हुनेछ ।

समूह चरणको तीन खेलमा दुई जीत र एक हारसहित नेपाल समूह ‘बी’ को उपविजेता बन्दै सेमिफाइनलमा पुगेको हो । भारत समूह ‘ए’ को विजेता बन्दै सेमिफाइनलमा पुगेको हो ।

नेपालले समूहचरणमा श्रीलंकालाई ४–० र भुटानलाई २–१ पराजित गर्दा पाकिस्तानसँग भने १–० को हार बेहोर्न प¥यो ।

भारतले भने बंगलादेशलाई १–० र माल्दिभ्सलाई ३–० ले पराजित गर्दै समूह बी को विजेताको रूपमा अन्तिम चारमा पुगेको हो ।

श्रीलंकामा भएको यसअघिको संस्करणको फाइनलमा भारतले नेपाललाई ४–० ले पराजित गर्दै उपाधि जितेको थियो । नेपाललाई त्यसको बदला सेमिफाइनलमै लिने मौका मिलेको छ ।

यो उमेरसमूहमा नेपाल र भारत दोस्रो पटक भिड्न लागेका हुन् ।