त्रिकोणात्मक टी–२० सिरिज : नेपालले आज क्यानडासँग खेल्दै

पोखरा ।

त्रिकोणात्मक टी–२० सिरिजअन्तर्गत नेपालले आज क्यानडासँग दोस्रो खेल खेल्दैछ ।

क्यानडाको किङ सिटीमा जारी खेल राति पौने १० बजे सुरु हुनेछ ।

त्रिकोणात्मक सिरिजअन्तर्गत आफ्नो तेस्रो खेलमा नेपाल पहिलो हारको बदला लिने लक्ष्यसहित घरेलु टोलीविरुद्ध मैदान उत्रिन लागेको हो । क्यानडाविरुद्धको पहिलो खेलमा नेपाल १४ रनले पराजित भएको थियो ।

दोस्रो खेलमा भने नेपालले ओमानविरुद्ध ३७ रनको जित निकालेको थियो ।

हिजो भएको खेलमा घरेलु टोली क्यानडा ओमानसँग ८ विकेटले पराजित भएको थियो ।

त्रिकोणात्मक सिरिजमा नेपालले भोलि ओमानसँग प्रतिस्पर्धा गर्नेछ ।