साफ महिला च्याम्पियनशिप आजदेखि सुरु हुँदै

पोखरा ।

साफ महिला च्याम्पियनशिप आजदेखि सुरु हुँदैछ ।

त्रिपुरेश्वरको दशरथ रंगशालामा बेलुका साढे ५ बजे हुने उद्घाटन खेलमा आज भारत र पाकिस्तान खेल्दैछन् ।

नेपालले भने भोलि भुटानसँग खेल्दै प्रतियोगिताको शुरुवात गर्नेछ । साफ महिला च्याम्पियनशिपमा आयोजक नेपालसहित माल्दिभ्स, पाकिस्तान, श्रीलंका, भारत, भुटान र बंगलादेश गरी सात वटा देशले प्रतिस्पर्धा गर्नेछन् ।

प्रतियोगिता कात्तिक १४ गतेसम्म चल्ने छ ।

यसैबीच नेपाली राष्ट्रिय महिला फुटबल टोलीकी कप्तान एञ्जिला तुम्बाप्पो सुब्बाले आफ्नो टोली सन्तुलित र बलियो रहेकाले साफ च्याम्पियनशिपमा विजेता बन्ने लक्ष्य रहेको बताएकी छिन् ।

नेपाल अहिलेसम्म पाँच पटक साफ महिला च्याम्पियनशिपको फाइनलमा पुगे पनि उपाधि जित्न सकेको छैन ।

साफ महिला च्याम्पियनशिपको सबैभन्दा सफल टोली भारतले पाँच पटक उपाधि जितेको छ । यस्तै बंगलादेशले एक पटक उपाधि जितेको छ ।