म्याग्दीमा जेसीज कप फुटबल प्रतियोगिता आयोजना हुने

म्याग्दी ।

म्याग्दीमा २२ औं अन्तरमावि जेसीज कप फुटबल प्रतियोगिता हुने भएको छ ।

प्रतियोगिता म्याग्दी जेसीजको मुल आयोजनामा आगामी मंसिर १७ गतेदेखि २२ गतेसम्म बेनीको खुल्लामञ्चमा हुने छ । जेसीज सचिवालयमा आयोजित पत्रकार सम्मेलनमा उपाध्यक्ष देबेन्द्र घिमिरेको मुल संयोजकत्वमा विभिन्न १९ उपसमितिसहित प्रतियोगिताको तयारीबारे जानकारी गराइएको हो ।

प्रतियोगितामा बिजेता विद्यालयलाई रनिङ शिल्ड, ट्रफि, मेडल र प्रमाणपत्र सहित नगद रु ५२ हजार २२२ र उपबिजेतालाई ट्रफि, मेडल र प्रमाणपत्रको साथमा नगद रु ३२ हजार २३२ पुरस्कार प्रदान गरिनेछ ।

प्रतियोगिताको टाईटल प्रायोजकमा एभरेष्ट ग्लोबल एजुकेशन भिसा सर्भिसेसले रु १ लाख दिने भएको छ ।

प्रतियोगितामा कुल आम्दानी ७ लाख ८० हजार र खर्च ७ लाख ५७ हजार २३१ हुने अनुमान गरिएको छ ।

प्रकाशित मिति २०८१ कात्तिक ४ गते आइतबार ०७:१९