पोखरा ।
अमेरिकासँगको तीन खेलको टी–२० अन्तर्राष्ट्रिय क्रिकेट शृंखलामा नेपालले क्लिन स्वीप गरेको छ ।
नेपालले अमेरिकालाई उसकै मैदानमा तीन खेलको सिरिजमा क्लिन स्विप गरेको हो । सिरिजको पहिलो खेल १७ रनले जितेको नेपालले आइतबार बिहान भएको दोस्रो खेल सुपर ओभरमा जितेको थियो ।
तेस्रो खेलमा आज नेपाल ८ विकेटले विजयी भयो । अमेरिकाको डालसस्थित ग्रान्ड प्रेरी स्टेडियममा अमेरिकाले टस जितेर ब्याटिङ रोजेको थियो ।
अमेरिकाले निर्धारित २० ओभरमा ५ विकेटको क्षतिमा १ सय ५६ रन जोडेको थियो । घरेलु टोलीका ओपनर साइटेजा मुकामल्लले सर्वाधिक ६८ रन बनाएका थिए ।
मिलिन्द कुमारले ४३ रनको योगदान गरे । नेपालका लागि सोमपाल कामीले ३ विकेट लिए भने रिजन ढकाल र ललित राजवंशीले समान १–१ विकेट लिए ।
एकसय ५७ रनको लक्ष्यसहित मैदानमा उत्रिएको नेपालले १६ दशमलव ४ ओभरमा २ विकेट गुमाएर लक्ष्य पुरा ग¥यो ।
नेपालका लागि आशिफ शेखले अर्थशतक पूरा गरे । शेखले ३८ बल ५० रन पुरा गरेका हुन् । अनिल शाह १३ रन बनाएर आउट भए । कुशल भुर्तेल ४० रनमा नटआउट हुँदा कुशल मल्ल ४४ रन बनाएर क्रिजमा रहे ।
दोस्रो खेलमा भुर्तेलले ९२ रन बनाएका थिए । उनले सात महिना पछि टी–२० क्रिकेटमा अर्धशतक प्रहार गरेका हुन् ।
अब कात्तिक ९ गतेदेखि डालासमा नै नेपालले अमेरिका र स्कटल्यान्डसँग लिग–टू सिरिज खेल्ने तालिका छ ।
घरेलु टोली अमेरिका, नेपाल र स्कटल्यान्डबीच आईसीसी विश्वकप क्रिकेट लिग–२ अन्तर्गत त्रिदेशीय एकदिवसीय शृंखला हुने छ ।
प्रकाशित मिति २०८१ कात्तिक ५ गते सोमबार ०९:१८
