एएफसी यू–१७ एशियन कप छनोट : नेपाल कतारसँग ५–० गोलले पराजित

पोखरा ।

एएफसी १७ वर्षमुनिको एशियन कप छनोटको दोस्रो खेलमा पनि नेपाल पराजित भएको छ ।

कतारको दोहामा भएको गएराति भएको खेलमा नेपाल आयोजक कतारसँग ५–० गोलले पराजित भएको हो ।

कतारसँगको खेलमा नेपालले गोलको लागि मौका नै बनाउन सकेन ।

यो हारसँगै नेपाल छनोटबाटै बाहिरिएको छ । समूह ‘एफ’मा रहेको नेपाल पहिलो खेलमा जापानसँग नेपाल ९–२ ले पराजित भएको थियो ।

लगातार दोस्रो खेलमा पनि पराजित भएपछि नेपाल अर्को वर्ष साउदी अरबमा हुने एएफसी १७ वर्षमुनिको एसियन कपमा छनोट हुन असफल भएको छ ।

अब नेपालले आफ्नो अन्तिम खेलमा भोलि आइतबार बेलुका मंगोलियासँग खेल्नेछ ।