आईसीसी महिला यू– १९ विश्वकप एशिया छनोट : नेपालले आज कुवेतसँग खेल्दै

पोखरा ।

आईसीसी महिला यू– १९ टी–२० विश्वकप एशिया छनोटमा नेपालले आज कुवेतसँग खेल्दैछ ।

खेल यूएईको सेभेन्स स्टेडियममा नेपाली समयअनुसार आज बिहान सवा ११ बजेबाट शुरु हुनेछ ।

यसअघि आइतबार भएको खेलमा नेपालले थाइल्यान्डलाई एक सय ६ रनले पराजित गरेको थियो भने पहिलो खेलमा ६७ रनले हराएको थियो । अर्को खेलमा कुवेतलाई एक सय आठ रनले पराजित गरेको थियो ।

अब नेपालले अन्तिम खेल बिहीबार यूएईसँग खेल्नेछ । यसअघि नेपाल युएईसँग १३ रनले पराजित भएको थियो । प्रतियोगितामा नेपालसहित घरेलु टोली यूएई, थाइल्यान्ड र कुवेत सहभागी छन् ।

सहभागी चार टोली मध्ये डबल राउन्ड रोविनका आधारमा शीर्ष स्थान हासिल गर्ने टोली आईसीसी यू–१९ महिला टी–२० विश्वकपका लागि छनोट हुनेछ ।