त्रिदेशीय मैत्रीपूर्ण फुटबल : नेपालले आज अफगानिस्तानसँग खेल्ने

पोखरा ।

त्रिदेशीय अन्तर्राष्ट्रिय मैत्रिपूर्ण फुटबलमा नेपालले शनिबार अफगानिस्तानसँग प्रतिस्पर्धा गर्दैछ ।

फिफा विन्डो अन्तर्गत हुने खेल ताजकिस्तानको सेन्टर स्टेडियम डुसान्बेमा राति पौने ९ बजेबाछ शुरु हुनेछ ।

फिफा वरीयतामा नेपालभन्दा २५ स्थान माथि रहेको अफगानिस्तानसँग नेपालले ११ वर्षपछि खेल्न लागेको हो ।

सन् २०१३ मा काठमाडौंमा भएको साफ च्याम्पियनसिपमा नेपाल र अफगानिस्तानबीच प्रतिस्पर्धा भएको थियो । जसमा अफगानिस्तानले १–० गोलको जित निकालेको थियो ।

सन् २००६ देखि नेपाल र अफगानिस्तानबीच ६ खेलमा प्रतिस्पर्धा भएको छ । जसमध्ये नेपालले ३ खेल जित्दा अफगानिस्तानले २ खेल जितेको छ । एक खेल बराबरीमा टुंगिएको छ ।

शनिबार हुने अफगानिस्तान विरुद्धको खेलमा नेपाल किरण चेम्जोङको कप्तानीमा मैदान उत्रिनेछ ।

त्रिदेशीय मैत्रीपूर्ण खेलको पहिलो स्पर्धामा नेपाल बुधबार घरेलु टोली ताजकिस्तानसँग ४–० गोलले पराजित भएको थियो ।