नेपाली राष्ट्रिय फुटबल टोली स्वदेश फिर्ता

पोखरा ।

दुई मैत्रीपूर्ण खेल खेलेर नेपाली राष्ट्रिय फुटबल टोली स्वदेश फर्किएको छ ।

टोलीलाई अखिल नेपाल फुटबल संघ (एन्फा) अध्यक्ष पंकज विक्रम नेम्वाङलगायत एन्फा पदाधिकारीले स्वागत गरे ।

फिफा विन्डो अन्तर्गत त्रिदेशिय मैत्रीपूर्ण खेल खेल्न नेपाल ताजिकिस्तान गएको थियो । जसअन्तर्गत गत बुधबार भएको पहिलो खेलमा नेपाल घरेलु टोली ताजिकिस्तानसँग ४–० ले पराजित भयो ।

शनिबार भएको दोस्रो मैत्रीपूर्ण खेलमा नेपालले अफगानिस्तानलाई हराएको थियो । नेपालका लागि जिलेस्पीजंग कार्की र रोहित चन्दले गोल गरे ।

उक्त खेलमा नेपालले ७ खेलको जितविहीन यात्रा टुंग्याउँदै पहिलो जित हात पारेको हो । नेपालले १३ वर्षपछि अफगानिस्तानविरुद्धको यो जिते निकालेको हो ।