सुनिलको “कहिले भईन” सार्वजनिक

पोखरा । पोखराका उदियमान गायक सुनिल गायकले आफ्नो नयाँ गीत “कहिले भईन” को म्युजिक भिडियो सार्वजनिक गरेका छन् ।

सारङ्गी म्युजिक स्टुडियोको प्रस्तुती रहेको म्युजिक भिडियोमा रोहन असिफ र जानकी थापाको अभिनय रहेको छ । सुनिलकै शब्द संगीतमा तयार गीतलाई पोखराको पेरिफेरिमा छायाँङ्कन गरिएको हो । नेत्र गुरुङ म्युजिक भिडियोका निर्देशक हुन् । प्रेम कथामा आधारित म्युजिक भिडियोमा रोहनलाई एक संगीतकर्मीको भूमिकामा प्रस्तुत गरिएको छ ।

यसअघि “तिम्रो अभाव, सम्बन्ध, के खाई देको छु र, कति माया” जस्ता गीत सार्वजनिक गरेका सुनिल छिट्टै “माया तिम्रै हुनी, मुटु भरि माया” जस्ता गीत लिएर आउँदैछन् । जानकी थापाले भने यसअघि “म जुन बनि दिन्छु र तिमीलाई पर्खी बसे” गीतमा अभिनय गरिसकेकी छिन् ।