एन्फा महिला फुटबल लिग : आज वालिङ नगरपालिका र बाग्मती युथ क्लव खेल्दै

पोखरा ।

एन्फा महिला फुटबल लिगमा आज स्याङ्जाको वालिङ नगरपालिका र बाग्मती युथ क्लव खेल्दैछन् ।

यो खेल ललितपुरको सातदोबाटोमा रहेको एन्फाको मैदानमा दिउँसो ३ बजे शुरू हुनेछ ।

अखिल नेपाल फुटबल संघ (एन्फा) को आयोजनामा भइरहेको लिगको दोस्रो चरणमा पाँच टोलीले प्रतिस्पर्धा गरिरहेका छन् ।

गएको भदौ अन्तिममा भएको लिगको पहिलो चरणमा सहभागी १० टोलीबाट शीर्ष पाँच टोली अन्तिम चरणका लागि छनोट भएका हुन् ।

यही माघ १६ गतेसम्म चल्ने दोस्रो चरणको लिगमा विभागीय टोलीहरू नेपाल पुलिस क्लब, सशस्त्र प्रहरी बलको एपीएफ क्लब र आर्मीसहित वालिङ नगरपालिका र बाग्मती युथ क्लब सहभागी छन् ।

लिग चरणको २० खेलपछि शीर्ष चार टोलीले प्लेअफमा स्थान बनाउनेछन् ।