बंगलादेश विरुद्ध ब्याटिङ गर्दै नेपाल

काठमाडौं ।

आईसीसी यू-१९ टी २० महिला विश्‍वकपको आफ्नो पहिलो खेलमा नेपालले बंगलादेश विरुद्ध टस हारेको छ । बंगलादेशकी कप्तान सुमैया अक्तरले टस जितेर पहिले बलिङ गर्ने निर्णय गरेकी छन् । नेपालले पहिले ब्याटिङ गर्नेछ ।

गत डिसेम्बरमा भएको एसिया कपमा नेपालले बंगलादेशसँग हार व्यहोरेको थियो । नेपाल त्यसको बदला लिने दाउमा हुनेछ ।

आईसीसी यू-१९ टी – २० महिला विश्‍वकपकाे दाेस्राे संस्करण शनिबारदेखि मलेसियामा शुरू भएकाे छ । प्रतियाेगितामा नेपालसहित १६ टाेली उपाधीकाे दाैडमा छन् ।

नेपाल रहेकाे समूह डीमा अस्ट्रेलिया, बंगलादेश र स्कटल्याण्ड रहेका छन् । एसिया रिजनल क्वालिफायरबाट छनाेट हुँदै नेपालले पहिलाेपटक यू-१९ टी – २० महिला विश्‍वकप खेल्न लागेकाे हाे ।

प्रतियाेगितामा नेपालले दाेस्राे खेल जनवरी २० मा स्कटल्याण्डसँग तथा तेस्राे खेल जनवरी २२ मा अस्ट्रेलियासँग खेल्नेछ ।